Drejtuesit e Bankës TEB Sh.A. dhe Kompanisë së sigurimeve, Sigal Life Uniqa Group Austria e Sigal Uniqa Group Austria kanë nënshkruar marrëveshje bashkëpunimi për ofrimin e shërbimeve gjithëpërfshirëse të produkteve te sigrurimit përmes bankës për klientët e saj.

Banka TEB është licensuar nga Banka Qendrore e Kosovës (BQK) si ndërmjetësues në shitjen e produkteve të sigurimeve “Jetë” dhe “Jo-Jetë" (Life – NonLife) për kompanitë e sigurimeve Sigal Life Uniqa Group Austria e Sigal Uniqa Group Austria. Ky bashkëpunim ndërmjet institucioneve do të ofrojë siguri financiare për Bankën dhe do të fuqizojë klientët.

Nënshkrimi i marrëveshjes është bërë nga Kryesuesi i Divizionit të shitjes për klient individual të Bankës TEB, Edmond Jashari dhe kryeshefët ekzekutiv të Sigal Uniqa Group e Sigal Life Uniqa Group, Perparim Drini e Kaltrina Gashi.

Me produktet e sigurimeve të ofruara, klientët e Bankës TEB do përfitojnë nga ekspertiza e dy institucioneve duke pasur lehtësi në marrjen e produkteve kreditore dhe marrjen e shërbimeve tjera të sigurimeve.

TEB Bankë për një botë në lëvizje!